SMILE վիրահատության առավելությունը, ի տարբերություն LASIK-ի և FemtoLASIK-ի, մակերեսային փականի շրջանաձև կտրվածքի բացակայությունն է՝ դրանով նվազագույնի հասցնելով եղջերաթաղանթի ամբողջականության խախտումը, ինչպես նաև բարդությունների հավանականությունը:

SMILE վիրահատությունը կարող է իրականացնել միայն այն կլինիկան, որը ունի գերմանական Carl Zeiss ընկերության VisuMax® ֆեմտովայրկյանային լազերը։ SMILE վիրահատությունը կարող է իրականացնել միայն այն ակնաբույժ-վիրաբույժը, ով Carl Zeiss ընկերության կողմից ստացել է հատուկ հավաստագիր։

Ռեֆրակցիոն վիրաբուժության առանձնահատկությունն այն է, որ ցանկացած վիրահատություն կատարվում է տեղային անզգայացման տակ և պահանջում է վերբալ շփում հիվանդի և բժշկի միջև: Եթե հիվանդը չափազանց անհանգիստ է, (յուրաքանչյուր մարդու համար ցանկացած վիրահատություն սթրեսային է) դա կարող է հանգեցնել բժշկի կողմից տրված հրահանգների ոչ ճիշտ կատարման, որի պատճառով վիրահատության ընթացքում կարող են բարդություններ առաջանալ։ LASIK-ի ժամանակ նման բարդությունները կարող են հանգեցնել երկար վերականգնողական շրջանի, իսկ SMILE-ի ժամանակ կարող են հանգեցնել միայն վիրահատության 1-2 օրով հետաձգման։ Բանն այն է, որ SMILE-ի ժամանակ ֆեմտովայրկյանական լազերի ազդեցության հետքերը անհետանում են առանց անմնացորդ և բավականին արագ, իսկ օգտագործվող ամենաառաջադեմ սարքավորումներն օգնում են խուսափել բացասական հետևանքներից։

Տեսողության լազերային շտկումը բարձր տեխնոլոգիական, թանկարժեք վիրահատություն է: Սա առաջին հերթին պայմանավորված է նրանով, որ լազերը շատ թանկ սարք է: Բացի այդ, յուրաքանչյուր վիրահատություն պահանջում է անհատական ​​լիցենզիա և մեկանգամյա օգտագործման սպառվող նյութերի հավաքածու, որոնք կլինիկան յուրաքանչյուր հիվանդի համար գնում է սարքի արտադրողից:

«Բարակ» եղջերաթաղանթի և կարճատեսության բարձր աստիճանի դեպքում ընտրության մեթոդը SMILE-ն է, որի դեպքում վիրաբուժական միջամտության ծավալն ամենափոքրն է՝ համեմատած լազերային ուղղման այլ մեթոդների հետ։

Հղիության և կրծքով կերակրման ընթացքում պետք չէ իրականացնել տեսողության լազերային շտկում, քանի որ այդ ժամանակահատվածում օրգանիզմում տեղի են ունենում հորմոնալ մակարդակի զգալի փոփոխություններ, որոնք կարող են բացասաբար ազդել բուժման արդյունքի վրա: Գործընթացը կարող է իրականացվել ցանկացած այլ ժամանակ:

Հետվիրահատական ​​շրջանում (առաջին շաբաթ) անհրաժեշտ է կաթեցնել հակաբակտերիալ, հակաբորբոքային, խոնավեցնող կաթիլներ։ ՁեԶ ԱՆՀՐԱԺԵՇՏ ՀԵՏՎԻՐԱԿԱՏԱԿԱՆ ՇՐՋԱՆԻ ԴԵՂՈՐԱՅՔԱՅԻՆ ԱՆՀԱՏԱԿԱՆ ՓԱԹԵԹԸ, ՈՐԸ ՆՇԱՆԱԿՈՒՄ Է ՎԻՐԱԲՈՒՅԺԸ, ԱՆՄԻՋԱՊԵՍ ՎԻՐԱՀԱՏՈՒԹՅՈՒՆԻՑ ՀԵՏՈ անվճար ՏՐԱՄԱԴՐՎՈՒՄ Է ԿԼԻՆԻԿԱՅԻ ԿՈՂՄԻՑ։

Կենտրոնը հագեցած է վերջին սերնդի սարքավորումներով, որոնք թույլ են տալիս պրոֆեսիոնալ անձնակազմի կողմից բարձր ճշգրտությամբ ախտորոշել և բուժել։ Կլինիկայում է գտնվում Carl Zeiss ընկերության MEL 90 էքսիմերային և VisuMax® ֆեմտովայրկյանային լազերները, վերջինս միակն է Հայաստանում։ Տեսողության լազերային շտկումը SMILE-մեթոդով կարող է իրականացվել միայն Carl Zeiss ընկերության VisuMax® ֆեմտովայրկյանային լազերով։

Թեոնա ակնաբուժական կլինիկայում տեսողության լազերային շտկում կատարվում է նաև FemtoLASIK (VisuMax® + MEL 90) և PRK (MEL 90) մեթոդներով։